លោកអ្នកអាចមានអារម្មណ៍ថបបារម្ភ និងលំបាកក្នុងការស្វែងរកការប្រឹក្សារោគផ្លូវចិត្តជាលើកដំបូង។ ប្រសិនបើចាំបាច់ លោកអ្នកអាចនាំនរណាម្នាក់ដែលលោកអ្នកទុកចិត្តមកជាមួយលោកអ្នក និងសុំឲ្យគាត់ ឬនាងនៅជាមួយនឹងលោកអ្នកនៅពេលទទួលការប្រឹក្សា។

លោកអ្នកនឹងភ្ញាក់ផ្អើលក្នុងការឃើញថា វេជ្ជបណ្ឌិតនៅក្នុងគ្លីនិករបស់យើងខ្ញុំមានលក្ខណៈសាមញ្ញ ហើយអ្វីៗប្រព្រឹត្តទៅយ៉ាងងាយស្រួល។ ក្រុមការងាររបស់យើងខ្ញុំប្រឹងប្រែងធានាថា លោកអ្នកនឹងទទួលបាននូវបទពិសោធន៍មួយនៅក្នុងគ្លីនិករបស់យើងខ្ញុំប្រកបដោយផាសុកភាព និងគួរជាទីសប្បាយ។ ភាពឯកជនរបស់លោកអ្នកនឹងត្រូវបានធានាយ៉ាងតឹងរ៉ឹង និងជាអាទិភាពកំពូលរបស់យើងខ្ញុំ។

ជាធម្មតា ការប្រឹក្សាដំបូងនឹងចំណាយពេលប្រហែល ៤៥ នាទី ទៅមួយម៉ោង។ គ្រូពេទ្យឯកទេសរោគផ្លូវចិត្តរបស់យើងខ្ញុំនឹងត្រូវការនូវព័ត៌មានពាក់ព័ន្ធច្រើនតាមដែលអាចទទួលបានដើម្បីជួយលោកអ្នកក្នុងការ យល់អំពីបញ្ហារបស់លោកអ្នកឲ្យបានកាន់តែល្អប្រសើរ។ ការលាតត្រដាងអំពីរឿងរ៉ាវដែលលោកអ្នកមានទំនោររក្សាទុកជាការសម្ងាត់អាចជារឿងគួរឲ្យបារម្ភ។ អនុញ្ញាតឲ្យគ្រូពេទ្យឯកទេសរោគផ្លូវចិត្តប្រកបដោយបទពិសោធន៍ និងភាពជឿជាក់របស់យើងខ្ញុំដឹកនាំលោកអ្នកនៅក្នុងពេលសម្ភាស និងសម្រួលអ្វីៗជូនលោកអ្នក។

យើងខ្ញុំជឿថា គឺតាមរយៈការទទួលយក ការពេញចិត្តក្នុងការស្ដាប់ និងមិនធ្វើការវិនិច្ឆ័យ ដែលដំណើរការព្យាបាលអាចប្រព្រឹត្តទៅ។

វិកលចរិត សិង្ហបុរី / គ្រូពេទ្យឯកទេសរោគផ្លូវចិត្តគឺជាវេជ្ជបណ្ឌិតដែលទទួលបានការបណ្ដុះបណ្ដាលវេជ្ជសាស្ត្រនៅក្នុងផ្នែករោគផ្លូវចិត្ត និងចិត្តសាស្ត្រ។ លោកគឺជាអ្នកដែលមានជំនាញនៅក្នុងការវាយតម្លៃ ការធ្វើរោគវិនិច្ឆ័យ និងការព្យាបាលបញ្ហាចិត្តសាស្ត្រ និងរោគផ្លូវចិត្ត។ លោកស្ថិតក្នុងមុខតំណែងពិសេសក្នុងការផ្ដល់នូវការព្យាបាលយ៉ាងទូលំទូលាយសម្រាប់ជំងឺរបស់លោកអ្នក។ នេះអាចរាប់បញ្ចូលទាំងឱសថ ការព្យាបាលផ្លូវចិត្ត និងការផ្ដល់ដំបូន្មានកោសលវិច័យ និងការងារទាក់ទងនឹងផ្លូវចិត្ត។

ធ្វើការណាត់ជួបជាមួយនឹងគ្លីនិករបស់យើងខ្ញុំនៅថ្ងៃនេះ និងធ្វើដំណើរលើវិថីឆ្ពោះទៅកាន់សុខុមាលភាពផ្លូវចិត្ត និងការជាសះស្បើយ។